Home

Voerkraalkalwers word op 220 – 240kg in `n voerkraal gesit.

Nutri Feeds se streng kwaliteitversekeringprogram verseker die produksie van hoë standaard veevoere wat aan ons klante gelewer word. Kwaliteit is nie net die verantwoordelikheid van produksiepersoneel by die fabriek nie, maar begin reeds by ons grondstofverskaffers. Die kwaliteitversekeringketting vir beide inkomende grondstowwe asook klaar geproduseerde voere word gekoppel deur die Nutri Feeds kwaliteitversekeringslaboratorium, wat in die produksie-areas van Nutri Feeds se onderskeie fabrieke gehuisves word. Nutri Feeds doen aankope van slegs daardie grondstowwe wat aan ons minimum spesifikasies voldoen, vanaf gevestigde plaaslike en internasionale verskaffers.  Alle grondstowwe wat Nutri Feeds bereik, word geanaliseer vir minimum voedingstof vlakke, geverifieer teen die verskaffer se ontledingsertifikaat, registrasienommers asook die lot-inligting alvorens die produk afgelaai word. Wanneer die grondstof in Nutri Feeds se opbergingsarea ontvang word, word `n streng voorraadrotasieprogram gevolg ten einde te verseker dat die produk binne `n redelike tyd gebruik word.

Een van Nutri Feeds se unieke produkte is 6103 Nutri Bees Sentra Supermeel. Hierdie produk het `n minimum van 13% proteïen, relatiewe hoë vlakke stysel en `n maksimum van 12% vesel. Voer teen 2.7% van liggaamsmassa tot markgereed. Minimum van 14dae aanpassing met addisionele, kwaliteit ruvoer, om rumensteurnisse te voorkom is belangrik. Hierdie produk is veral gewild onder die stoettelers om skou diere `n hupstoot te gee.

Sodra lekinnames bo die aanbevole maksimum styg, is dit diere se manier op te wys dat hulle `n ander produk benodig op die tipe veld of vir `n produksiestadium. Met `n Fosfaatlek se inname wat te hoog is aan die begin van herfs, is dit dalk tyd vir `n oorgangslek. Dieselfde geld vir `n Winterlek. Indien innames te hoog is, is dit waarskynlik laat winter/begin lente met min/geen weiding met `n behoefte na `n Produksielek en nie net `n gewone Winterlek nie.